Зошто се гасат светлата во авион при полетување и слетување

Зошто се гасат светлата во авион при полетување и слетување? Ако често летате, сигурно сте забележале дека кабината се затемнува токму во тие моменти. Не е случајно и не е само за да ви биде поудобно да задремете – зад тоа стои конкретна безбедносна причина. Зошто се гасат светлата во авион – сѐ е поради безбедност Главната причина е подготовка за можна евакуација. На човечкото око му требаат меѓу пет и десет минути за да се прилагоди на темнина кога преминува од силно осветлен во темен простор. Ако се случи вонредна ситуација во која патниците мора брзо да го напуштат авионот, тоа време едноставно не постои. Затоа кабината се затемнува однапред – очите на патниците и на екипажот се веќе навикнати на слабо светло и можат побрзо и побезбедно да реагираат. Полесно се забележуваат излезите Кога главните светла се пригушени, ознаките за излез и светлечките ленти на подот покрај патеката стануваат многу повидливи. Во чадлива или вознемирена средина, токму тие светла го покажуваат патот до најблискиот излез. Во силно осветлена кабина, тие би се изгубиле во општата светлина. Зошто токму при полетување и слетување Полетувањето и слетувањето се најкритичните фази од летот. Според…