Австралија ја шокираше Турција на стартот на Светското првенство

Австралија на најдобар моожен начин тргна на Светското првенство победувајќи ја Турција со 2-0.

Натпреварот беше динамичен и имаше неколку шанси од самиот почеток. Турција прва се закани сериозно преку Арда Ѓулер во 27-та минута, но голманот Патрик Бич направи брилијантна одбрана.

Неколку моменти подоцна, Иранкунда искористи одлично додавање, го помина голманот Чакир и рутински шутираше во долниот лев агол за да ѝ даде на Австралија водство од 1-0.

Турција се обиде да израмни до крајот на првото полувреме, а најблиску беше во 30-та минута кога Абдулкерим Бардакчи ја погоди стативата по уште една одлична одбрана од Бич.

Турција потоа отиде уште поагресивно. Арда Ѓулер изведе опасен слободен удар во 57-та минута, но австралискиот голман повторно беше на висина на задачата.

Клучниот момент се случи во 75-тата минута. Конор Меткалф ја прими топката на ра...