пред 5 дена
24
Грчкиот остров Евија утрово беше погоден од земјотрес со јачина од 4,3 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на длабочина од четири километри и на 78 километри од градот Перистери.
Земјотресот се случил во 5:13 часот наутро по локално време и предизвикал вознемиреност кај жителите на областа, особено имајќи предвид дека Евија вчера беше погодена од серија земјотреси, од кои најсилниот бил 5,2, објавува „Прототема“.
Засега нема извештаи за повредени или материјална штета. Поради континуираната сеизмичка активност, властите одлучија да затворат неколку основни и средни училишта во областа како превентивна мерка.
Пожарникарите објавија дека се во состојба на зголемена готовност.
Macedonian (MK)