Иран се закани со прекин на натпреварите на Светското првенство поради политички пораки на трибините

Иранските власти се заканија дека репрезентацијата може да ги прекине своите натпревари на Светското првенство доколку на трибините се појават неовластени знамиња или се скандираат пораки насочени против националниот тим.

Според иранските медиуми, министерот за спорт Ахмад Доњамали изјавил дека Иран веќе ја информирал ФИФА за својата позиција во пресрет на турнирот, кој започнува во четврток.

„Ја известивме ФИФА дека доколку на стадионите каде што игра Иран бидат внесени неофицијални знамиња или се упатуваат слогани против националниот тим, тим-менаџерот ќе биде должен да побара прекин на натпреварот“, изјавил Доњамали.

Иранската репрезентација ќе го започне настапот во Групата Г на 15 јуни против Нов Зеланд во Лос Анџелес. Потоа ќе се соочи со Белгија на 21 јуни на истиот стадион, а последниот натпревар од групната фаза ќе го одигра против Египет на 26 јуни во Си...