Македонските ракометни кадети подобри и од Грција

Кадетската машка ракометна репрезентација на Македонија постигна одличен резултат во рамките од четвртото коло на Медитеранското првенство.

Совладана е Грција со убедливи 28:20, односно 4:1 во поени.

Иако со сериозно згуснат распоред и одиграни четири меча за два дена, сепак Македонија и преморена на овој меч успеа да дојде до посакуваниот резултат.

Резултатот по првиот и вториот период беше идентичен 9-9, за да во третата делница да се увиди кој е поквалитетниот на овој меч. Македонија го доби овој дел од 10:2.

Па така, Македонија по четири меча е втора со 10.5 бодови на сеуште некомплетираната табела, зад Египет кој што има 13 поени.

Денес е слободен ден за македонските кадети, в четврток е дуелот со Косово, додека в петок пресметката со Романија, а в сабота мечот за пласман.