Пожар во тетовско училиште, неколку вработени пренесени во болница

На 2 јуни 2026 година во СВР Тетово е пријавено дека околу 09:50 часот во Државното средно стручно училиште „Моша Пијаде“ во Тетово избувнал пожар на една кабина во машкиот тоалет.

Пожарот бил навремено изгаснат од вработените во училиштето со противпожарни апарати и хидранти, со што е спречено негово проширување.

При интервенцијата, поради вдишување на чад, неколку вработени се здобиле со потешкотии, поради што Н.Р., И.П., М.С., А.З., Б.К. и Г.М. биле пренесени во Клиничкиот центар во Тетово за укажување на лекарска помош.