УХМР издаде предупредување: Силно невреме во Македонија – еве во кои делови

Управа за хидрометеоролошки работи (УХМР) издаде метео аларм за 1 јуни 2026 година, предупредувајќи на засилен западен ветер во западните делови на земјата.

Според прогнозата, ветерот на одделни места ќе достигнува брзина и до 60 километри на час.

Во текот на денот се очекува и локална атмосферска нестабилност, проследена со пороен дожд, грмежи и услови за појава на краткотрајно невреме.

Од УХМР апелираат граѓаните да бидат внимателни при движење на отворено и да ги следат најновите временски информации и предупредувања од надлежните служби.