Фудбалерите на Реал Мадрид стојат зад Арбелоа

Тренерот на Реал Мадрид, Алваро Арбелоа, наводно добил силна поддршка од играчите и покрај елиминацијата во четвртфиналето од Лигата на шампионите и би можел да остане на клупата и следната сезона, пренесува „Марка“.

Според извештајот, фудбалерите на Реал Мадрид се за тоа 43-годишниот стратег да продолжи како главен тренер, бидејќи успеал да изгради силна врска со тимот откако ја презел функцијата.

Неговата работа е позитивно оценета, како од тактички аспект, така и во однос на водењето на играчите.

Арбелоа се смета и за заслужен за подобрувањето на атмосферата во тимот, при што играчите се задоволни од средината што ја создал, како и од неговите тактички идеи и целокупниот пристап кон менаџирањето на екипата.