Јапонците повторно го воодушевија светот, го исчистија целиот стадион

Додека на Светското првенство се водат битки за освојување на еден или три бода, навивачите на Јапонија уште еднаш покажаа зошто се толку почитувани низ целиот свет.

По нерешениот резултат против Холандија (2:2) во Далас, илјадници јапонски навивачи не го напуштија веднаш стадионот по завршувањето на натпреварот. Наместо тоа, тие останаа на трибините за да го исчистат просторот каде што го гледаа натпреварот. Глетката на јапонските навивачи со сини кеси за ѓубре стана една од најубавите слики од Светското првенство досега.

Додека другите навивачи полека го напуштаа стадионот, навивачите на „Самураите“ внимателно собираа шишиња, чаши, амбалажа и друг отпад, оставајќи ги трибините речиси беспрекорно чисти. Нивниот гест предизвика ентузијазам кај навивачите на другите национални тимови, како и бројни позитивни реакции на социјалните мрежи.

Japan ...